Saare Jaha se Achcha Hindustan Hamara میرِعرب کوآئی ٹھنڈی ہواجہاں سے - NOORI ACADEMY

Latest

Noori Academy

Search Now

Thursday, February 18, 2021

Saare Jaha se Achcha Hindustan Hamara میرِعرب کوآئی ٹھنڈی ہواجہاں سے

  میرِعرب کوآئی ٹھنڈی ہواجہاں سے


ہندوستان جنت نشان کے فضائل کا تذکرہ جن کا جاننا تاریخ کے ہر طالب علم کے لیے ضروری ہے

https://scontent.fbom19-2.fna.fbcdn.net/v/t31.0-0/p480x480/1397569_620600557983917_1219603731_o.jpg?_nc_cat=100&ccb=3&_nc_sid=e3f864&_nc_ohc=iYf5cvjDzTEAX-MIuZH&_nc_ht=scontent.fbom19-2.fna&tp=6&oh=dda55c65d5c8aeb3635c392852ea0a99&oe=6055BF3F
 

از:عطاءالرحمن نوری(ریسرچ اسکالر ) مالیگاﺅں

 
اِک اِک نفس میں بُوے وطن ہے بسی ہوئی
نبضِ وطن میں خون کی صورت رواں ہیں ہم

ہندوستان عہد قدیم سے مسلمانوں کامسکن رہا ہے۔صحابہ کرام ، تابعین اورتبع تابعین کے قافلے اسلام کے فروغ و استحکام کے لیے ہند کی سرزمین پر تشریف لاتے رہے۔ اسلام کے سب سے پہلے پیغمبر اور دنیا کے سب سے پہلے انسان اسی سرزمین پرجنت سے تشریف لائے۔ ساتھ ہی کائنات کی جان ،وجہِ تخلیقِ کائنات ، کارخانہ قدرت کے عظیم شاہکار مصطفی جان رحمت صلی اللہ علیہ وسلم  کا نور بھی پیشانی آدم کے ساتھ سب سے پہلے ہندوستان آیا۔ یہاں مراد موجودہ ہندوستان نہیں بلکہ وہ ہند ہے جس کی سرحدیں پاکستان، افغانستان، بھوٹان، نیپال، بنگلہ دیش، میانمار (برما)، سری لنکا اور مالد یپ تک وسیع تھیں۔ 

 

مولانا عبدالرزاق بھترالوی تحریر فرماتے ہیں: 

 

”حضرت آدم علیہ السلام سراندیپ (سری لنکا) میں اورحضرت حوا ”جدّہ“ میں اتارے گئے۔“ (تذکرة الا نبیائ: ص 60 )


 حسان الہند مولانا سید غلام علی آزاد بلگرامی (م:1200ھ) رقم طراز ہیں:

 

”حضرت آدم علیہ السلام کی برکت سے ہندوستان میں جواہرات اور کانوں کا وجود ہے۔ کسی نے ہندوستان کا وصف بیان کرتے ہوئے کہا ہے کہ ”اس کے سمندر موتی ہیں، اس کے پہاڑ یاقوت ہیں، اس کے درخت عود اور پتے عطر ہیں۔“

(شمامةالعنبر: ص 64، طبع جائس )


حضرت علی رضی اللہ عنہ فرماتے ہیں کہ ہندوستان کی زمین اس لیے عمدہ اور ہری بھری ہے اور عود قرنفل وغیرہ خوشبوئیں اس لیے وہاں پر پیدا ہوتی ہیں کہ حضرت آدم علیہ السلام جب اس زمین پر آئے تو ان کے جسم پر جنّتی درخت کے پتے تھے۔ وہ پتے ہوا سے اُڑ کر جس درخت پر پہنچے وہ ہمیشہ کے لیے خوشبودار ہوگیا۔ (تفسیر نعیمی، جلد1 ، ص 284 )
 

 مولانا سید غلام علی آزاد بلگرامی نے اپنے اشعار میں بھی ہندوستا ن کا ذکر کیا ہے۔ جس میں مذکورہ نکتہ کی وضاحت ہوتی ہے
 

قداودع الخلاق آدم نورہ

 متلالاً کالکوکب الوقاد

والہند مہبط جد ناومقامہ

 قول صحیح جیدالاسناد

فسوادارض الہند ضاءبدایة

 من نور احمد خیرة الامجاد

 

ترجمہ: بنانے والے نے آدم علیہ السلام کے اندر اپنا نور رکھ دیا، روشن ستارے کی طرح چمکتا ہوا۔ ہندوستان ہمارے جد امجد کی جائے نزول اور قیام گاہ ہے ۔ یہ صحیح قول ہے اور اس کی سند مضبوط ہے تو ہندوستان کی سر زمین سب سے پہلے نورِ محمدی صلی اللہ علیہ وسلم سے ضیا بار ہوئی جو سب عظمت والوں سے بہتر ہیں“۔ 

(شمامة العنبر: ص89 ، طبع جائس)
 

 ڈاکٹر اقبال نے اسی نکتے کی وضاحت کچھ اس طرح کی:
 

ہے اگر قومیت اسلام پابند مقام

ہند ہی بنیاد ہے اس کی،نہ فارس ہے، نہ شام

 

معلوم ہوا کہ ہندوستان سے ہمارا رشتہ عہد صحابہ، مجاہد اسلام محمد بن قاسم اور مغلیہ حکومت سے نہیں ہے بلکہ یہ تو ہمارے باپ کی سرزمین ہے۔ اسلام کی بنیاد اور اساس کا رشتہ ہندوستان کی سرزمین سے اتنا مضبوط ہے کہ ہمیں اپنی حب الوطنی ثابت کرنے کے لیے شیو، وشنو، شنکر اور پاروَتی کو اسلامی پیغمبر کا درجہ دینے کی ضرورت نہیں ۔ ہمیں اپنے آپ کو ہندوستانی ثابت کرنے کے لیے اسلامی تعلیمات و تاریخ کی دھجیاں اڑانے کی ضرورت نہیں۔ اپنے ہم وطنوں کو راضی کرنے کے لیے اللہ ورسول صلی اللہ علیہ وسلم کو بھی ناراض کرنے کی حاجت نہیں۔ شنکر، شیو، وشنو، پاروَتی اور دوسرے ہندو دیوی و دیوتاﺅں کو پیغمبر بنا کر، اپنے ماں باپ تسلیم کر کے، اپنے آپ کو ہندوستانی ثابت کر کے کیا فائدہ؟ ہمارے ہندوستانی ہونے کی سب سے مضبوط دلیل یہ ہے کہ ہمارے جد امجد اور دنیا کے سب سے پہلے انسان اسی سرزمین پر جنت سے تشریف لائیں۔ آئیے اسلامی تاریخ کی روشنی میں اسلام اور ہندوستان کا تعلق کس قدر مضبوط ہے، جاننے کی کوشش کریں۔
 

٭دنیا کے پہلے انسان ابوالبشر حضرت آدم علیہ السلام سب سے پہلے اسی دھرتی پر تشریف لائے۔ آپ کو ہندوستان میں ”سراندیپ“ کے ”لوذ۔یا۔راہون“ پہاڑ پر اتارا گیا۔
 

٭بلکہ پشتِ آدم کے حوالے سے ایک لاکھ کم وبیش چوبیس ہزار انبیا ومرسلین یہیں ہند میں اتارے گئے۔
 

٭سیدنا آدم علیہ السلام نے اسی سرزمین پہ اشک ندامت بہائے، تین سو سال تک روتے رہے اور آسمان کی طرف آپ نے حیا کی وجہ سے سَر نہیں اٹھایا۔
 

٭آپ نے دعائیں اسی جگہ مانگیں۔
 

٭آپ کی توبہ یہیں قبول ہوئی۔
 

٭پیارے مصطفی صلی اللہ علیہ وسلم کا وسیلہ رب کی بارگاہ میں آپ نے اسی دھرتی پر پیش کیا۔
 

٭نبی آخرالزماں سیدنا محمد رسول اللہ صلی اللہ علیہ وسلم کے نام پاک کا نعرہ و غلغلہ زمین پہ سب سے پہلے یہیں بلند ہوا۔
 

٭بعض روایتوں میں ہے کہ حضرت شیث علیہ السلام کا مزار پاک بھی ہندوستان میں ہے، ایودھیا میں بتایا جاتا ہے۔
 

٭ توالد و تناسل کا سلسلہ بھی غالباً یہیں سے شروع ہوا۔ گویا ہندوستان تمام مسلمانوں اور انسانوں کا آبائی وطن ہے۔
 

٭سید الملائکہ جناب جبرئیل علیہ السلام ایک نبی کی بارگاہ میں سب سے پہلے سر زمین ہند پہ آئے۔
 

٭سب سے پہلے اذان ہندوستان میں ہوئی۔
 

٭سب سے پہلی نماز بھی یہیں ہوئی جو آپ نے قبول توبہ کے شکرانے میں ادا فرمائی۔
 

٭آپ نے چالیس حج اور ایک ہزار عمرے بھی اسی سرزمین ہند سے مکہ شریف پیدل جا کر ادا فرمائے۔کعبہ چوں کہ آپ کی تخلیق سے دو ہزار سال پہلے فرشتوں کے ذریعے تعمیر ہو چکا تھا۔
 

٭جنتی اوزار: سانڈسی، ایرن اور ہتھوڑا ہندوستان میں اتار ے گئے۔
 

٭جنتی برگ وثمر اور خوشبوئیں یہیں اتاری گئیں۔
 

٭حضرت آدم علیہ السلام کے ساتھ انجیر کے پتّے، عجوہ ، کجھور، کیلا اور لیموں وغیرہ یہیں اتارے گئے ۔
 

٭فصل ،گل وشبنم، پیڑ پودے اور کھیتیاں سب سے پہلے اسی دھرتی پہ لہلہائیں۔
 

٭حضور صلی اللہ علیہ وسلم لوگوں کو ہندوستانی جڑی بوٹی”عود ہندی“ کے استعمال پر زور دیتے تھے کہ اس میں سات بیماریوں سے شفا ہے۔
 

٭آج بھی دواﺅں میں استعمال ہونے والی بیشتر جڑی بوٹیاں اور خوشبوئیں ہندوستان میں پیدا ہوتی ہیں۔
 

فضائل ہند کی روایتیں مندرجہ ذیل کتب سے ماخوذہیں: بخاری شریف : کتاب الطب، ج2، ص849 تا 851 / سنن ابی داﺅد : کتاب الطب، ج2، ص541 /تفسیر الدر المنثور : سورئہ بقرہ ، ج1 ، ص 110 ، 115 / تفسیر مدارک شریف: ج3، ص68 / تفسیر روح البیان: ج1، ص 237 ۔ 498 / تفسیر نعیمی : ج1، ص290 تا 291 / تفسیر خازن وتفسیر جمل: حاشیہ صاوی، ج1 ، ص110-64/ حاشیہ شیخ زادہ: ج1 ، ص266 ، 267 ، 420/حاشیہ جلالین: ص131، حاشیہ نمبر2 / مدارج النبوة: ج1 ص 5۔

     (بحوالہ: ماہنامہ کنزا لایمان مارچ 2010ء)
 

ہندوستان پر کئی مجاہدین نے فوج کشی کی مگر غزوہ ہند کا یہ ذوق محض کشور کشائی کے جذبے سے نہیں تھا بلکہ انہوں نے جہادِ ہندکے لیے پیش رفت ارشاد نبوی کی تکمیل کے لیے کی تھی۔ رسول اللہ صلی اللہ علیہ وسلم نے فرمایا کہ میری امت کے دو گروہوں کو اللہ تعالیٰ نے جہنم کی آگ سے محفوظ رکھا ہے۔ ایک وہ گروہ جو ہندوستان میں جہاد کرے گا اور دوسرا وہ گروہ جو حضرت ابن مریم کا ساتھ دے گا۔ (سلطان الہند خواجہ غریب نواز علیہ الرحمہ : ڈاکٹر محمد عاصم اعظمی)
 

ابن ابوحاتم حضرت علی مرتضیٰ کرم اللہ تعالیٰ وجہہ الکریم سے روایت کرتے ہیں،آپ نے فرمایا: مکہ مکرمہ اور ہندوستان سارے جہاں سے اچھا ہے۔ (تفسیر الدرالمنثور:ج 6، ص13، مطبع بیروت)
 

 یقینا باستثناے دیار حرم اور روضہ رسول (کیوں کہ روضہ رسول کا وہ حصہ جہاں سرکار اقدس صلی اللہ علیہ وسلم کا جسم اطہر موجود ہے وہ عرش اعظم سے بھی بہتر ہے) 

 

ہمارا ہندوستان سارے جہاں سے اچھا ہے ، جہاں سے ہمارے رسول صلی اللہ علیہ وسلم نے بوے وفا محسوس کی۔ ہندوستان کی طرف دیکھ کر ہمارے نبی صلی اللہ علیہ وسلم مسکرائے ہیں۔ خود سرکارصلی اللہ علیہ وسلم نے اپنی زبان فیض ترجمان سے ہندوستان کی سرزمین پر جہاد کرنے والے مجاہدین کو جنت کا مژدہ جاں فزا سنایا،ان پر جہنم کی آنچ حرام قرار دی۔ یہی وجہ ہے کہ حضرت ابو ہریرہ رضی اللہ تعالیٰ عنہ ہمیشہ ہندوستان آنے کے مشتاق رہتے تھے ، ان کی تمنا تھی کہ کاش میں ہندوستان کے کسی غزوے میں شریک ہوتا تو اپنی جان اور اپنا مال خرچ کرتا۔ (سنن نسائی: کتاب الجہاد ، باب غزوة الہند،ج2، ص52) 

 

شاید انھی تمام خوبیوں کو دیکھتے ہوئے اور ان کی منظر کشی کرتے ہوئے شاعر مشرق ڈاکٹر اقبال نے کہا تھا:

 

سارے جہاں سے اچھا ہندوستان ہمارا

ہم بلبلیں ہیں اِس کی یہ گلستاں ہمارا

میر عرب کو آئی ٹھنڈی ہوا جہاں سے

میرا وطن وہی ہے میرا وطن وہی ہے

 

ہندوستان کی سرزمین جہاں ان تمام تر فضائل ومناقب اور خصوصیات کی حامل ہے وہیں اس دھرتی کو صحابہ کرام کا نقش پااپنے سینے پر اتارنے کا بھی شرف حاصل ہے ۔ان فضائل کے علاوہ بھی ہند کی دھرتی متعدد فضائل کی حامل ہے۔تفصیل کے لیے کتب تاریخ کا مطالعہ مفید ثابت ہوگا۔ صوفیاے عظام،مشائخ کرام ، دعاة ،مبلغین اور اجلہ علما ے کرام کے دم قدم اور فیضان وبرکت سے ہر دور میں ہندوستا ن میں اسلام کی شمع روشن رہی اور ایمان کی باد بہاری سے ہر خطہ لہلہاتا رہا ۔ عہد بہ عہد شمع اسلام کی لَواور اس کی روشنی تیز تر ہوتی گئی اور چراغ سے چراغ جلتے چلے گئے۔



ٹی آر پی اور افواہوں سے دور،سچائی ، دیانت اور انصاف سے قریب ، مبنی بر حقیقت مضامین ،مقالات ، تعلیمی ، انقلابی ، معیاری اور تحقیقی و تفتیشی ویڈیوز کے لیے غیر جانبدار ادارے نوری اکیڈمی کے یوٹیوب چینل ، ویب سائٹس اور سماجی رابطے کی تمام سوشل سائٹس پر اپڈیٹ پانے کے لیے نوری اکیڈمی کو سبسکرائب ، فالو اور لائک کریں ۔

..:: FOLLOW US ON ::..

https://www.youtube.com/channel/UCXS2Y522_NEEkTJ1cebzKYw
Noori Academy YouTube Channel

Noori Academy Website Urdu Version
Noori Academy Website Hindi Version

*2️⃣ Special Website for NTA NET Exam Subject Urdu By Noori Academy*


https://www.facebook.com/ataurrahman.noori/

https://www.facebook.com/Noori-Academy-731256287072325
http://www.jamiaturraza.com/images/Twitter.jpg
https://www.instagram.com/atanoori92/
 

No comments:

Post a Comment

Popular

Categories

” نیکی کر سوشل میڈیا پر ڈال “:پُرانی کہاوت کا نیا وَرژن (1) 31 December (2) 8 Interesting Facts About Saturn (1) Aala Hazrat (1) Aazadi (10) Advocate Momin Musaddique Ahmed (2) Air Pollution (1) Al Mukhtar Magazine (1) Allama Qamruzzama Aazmi (1) Announcement (71) ANSAR SHAIKH IAS BIOGRAPHY (1) Arfa Khanum Sherwani Artcile (2) Article (129) Asthma Day (1) ATAURRAHMAN NOORI (50) Azmate Mustafa (1) Bachcho ko Sudhara kaise Jaye ? (1) Bahar-E-Sunnat 2012 (6) Bahar-E-Sunnat 2013 (26) Bahar-E-Sunnat 2014 (6) Baqra-Eid Article (2) Biography of Maulana Shakir Ali Noori (1) Book (39) Book Ijra News (34) Book on Ertugrul Ghazi (2) Book on Sultanat-E-Usmania (2) Books (28) BOOKS OF AMEER SUNNI DAWAT-E-ISLAMI (23) BOOKS OF ATAURRAHMAN NOORI (17) BOOKS OF OTHER ULMA (4) Books of Sayyed Ameenul Qadri (8) Breaking News (70) CAA (6) CAB (6) Competitive Exams (2) Competitive Exmas (9) Condolence Letter from Allama Qamr-Uz-Zama Khan Aazmi (1) Corona Malegaon Pattern (4) Corona Virus (1) Corona Virus ki Waba Aur Qaum-E-Muslm By Allama Qamruzzama Aazmi (2) Corona Warrior Certificate (1) Cricket (4) Cronan Virus (16) CSE (7) CTET (1) Current Affairs (17) Darul Uloom Sultaniya (1) Dr Aamir ENT (1) Dr Hamid Iqbal DCH. ڈاکٹر حامد اقبال (1) Editorial Articles (32) Editorial Articles of Bahar-E-Sunnat (4) Education (74) Electronic Media Association of Maharashtra (1) EMAM (3) Ertugrul Ghazi (1) Exam (22) Fatma Ka Laal Maidan E Karbala Mein (1) Feature (104) Features (37) Ghazal (4) Ghazala Fatma Research Scholar (1) Government and Administration Failure (1) Gulam Mustafa Naeemi (1) Gulam Mustafa Razvi (5) Hafiz Gufran Ashrafi (6) Hafiz Hashim Qadri (15) Haj Ki Fazilat (1) Harappa And Mohenjo-daro (1) Hayatul-Mawat Book (1) Hazrat Abu Huraira (1) Hazrat Ibraheem (1) Hazrat Khalid Bin Waleed (1) Health (4) Hindustan Ki Fazeelat (1) HISTORY (5) Ideal Teacher by Google (1) Image (3) Imam Ahmad Raza (1) Imam Husain Karbala Me (1) Imran Jameel (1) Indian History in Urdu (2) ISLAMIC HISTORY (6) Islamic Scholar aur TV Debates (2) Jang-E-Aazadi 1857 me Ulma ka Kirdar (1) Kanzul Iman Monthly Magazine May June 2020 (1) KANZULIMAN 2016 (8) Kanzuliman Delhi Monthly Magazine February 2021 (1) Kanzuliman Delhi Monthly Magazine March 2021 (1) KANZULIMAN MAGAZINE 2017 (11) KANZULIMAN MONTHLY MAGAZINE 2018 (8) KanzulIman Monthly Magazine January 2021 (1) Khalid Ayyub Misbahi (7) Khandesh (1) Khanqah-E-Ashrafiya (1) Khanqah-E-Barkatiya (3) Khawaja Gareeb Nawaz (2) Khudkushi (2) Latest Corona News of Maharashtra (5) Lock Down aur Madarsa (1) Love Jihad (1) Magazine (1) Malegaon Corona (6) Malegaon District Nashik (5) Malegaon Freedom Fighters (1) Malegaon Municipal Corporation Recruitment 1006 Posts (1) Malegaon Suicide Case (2) Masjid News (2) Maualana Mohsin Raza Ziyai (5) Maula (1) Maulan Md Shakir Ali Noori (1) Maulana Sadique Raza Misbahi (1) Maulana Sayyed Ameen-Ul-Qadri (1) Maulana Shakir Ali Noori (1) Meelade Mustafa (1) Meere Arab ko aayi Thandi hawa jaha se (1) MH-SET EXAM (12) MHRD (2) Mid-Day Meal (1) Moharram (1) Momin Faiyyaz Ah (1) Monthly Sunni Dawat-E-Islami Magazine (11) Monthly Sunni Dawat-E-Islami Magazine 2013 (10) Monthly Sunni Dawat-E-Islami Magazine 2014 (6) MONTHLY SUNNI DAWATEISLAMI MAGAZINE 2017 (12) Mubarak Kapdi (1) Mufti Nizamuddin Razvi (2) Mukhtar Adeel Article (2) Mumtahin (1) Neki kar Social Media par Daal (1) News (100) News18 Anchor Amish Devgan (2) Nooh Siddiqui IRS (1) Noori Academy (101) Noori Mission (4) NPR (1) NRC (26) NTA NET (12) NTA NET SUBJECT URDU (6) NTA NET URDU (7) Online Education (3) Ottoman Empire (2) Paighamat-E-Noori (1) Payame Barkaat (1) Prime Time (3) Program Reports (29) PROTEST (10) Rajab Ke Fazayel (1) Ram Janam Bhumi Babri Masjid ka Sach By Shitla Singh (1) Raza Academy (4) Research Article (1) Saday-E-Qalam (57) Safar Nama (1) Science (1) Seerat (1) SET (3) Shagufta Subhani (2) SHAIKH SALMAN PATEL (2) Shakeel Subhani (2) Sheikh Abubakr Ahmad Biography (1) Special Interview (1) SPEECH OF AMEER SUNNI DAWATE ISLAMI (1) SPEECH OP AMEER SUNNI DAWATE ISLAMI (1) Sports (4) Suicide aur Islam (2) Suicide Cases (1) Sunni Dawat-E-Islami (3) Sunni Dawateislami 2016 (12) SUNNI DAWATEISLAMI MONTHLY MAGAZINE 2018 (5) Supreme Court (2) Syed Faooq Miya Chishti (1) Tafseer-O-Hadees me Hindustan ka Tazkira (1) Tajalliyat-E-Noori (1) Tajush Sharia Number (2) Teacher's Day (1) TET (1) The Wire (2) The World's 500 Influential Muslims (2) Top Story (19) TV Debate (2) UGC NET (10) UGC NET URDU (8) UGC NET URDU SYLLABUS (6) Ummeed Team By SDI (1) UPSC (12) UPSC URDU. (5) Urdu_Adab (1) Vacancies (3) Wadaye Tajush Sharia Book (1) Wali Aurangabadi (1) Wali Deccani (1) www.markazlawcollege.com (1) Zarb-E-Qalam (13) Ziyaul Mustafa Misbahi (1) آئی اے ایس افسر شاہ فیصل (1) اسلام اور ہندوستان کا تعلق (1) اشرف الفقہامفتی مجیب اشر ف صاحب علیہ الرحمہ (1) اعلیٰ حضرت اور مشائخ چشتیہ (1) امیر سنی دعوت اسلامی کی خدمت میں درگاہ انتظامیہ نے ایوارڈ پیش کیا (1) انڈیا بمقابلہ انگلینڈ: اکشر پٹیل نے گلابی گیند سے تاریخ رقم کی (1) اَنوارِ تاج الشریعہ نمبر (1) بچوں کو سدھارا کیسے جائے ؟ (1) بعد از خدا بزرگ توئی قصہ مختصر (1) پانچ چیزوں کوغنیمت جانیں! . مولانا محمّد شاکرعلی نوری صاحب (1) پروفیسر شرف النہار صاحبہ کی حیات و خدمات پر مبنی کتاب کی ترتیب (1) پروگریسیو اسکول (1) پہلی سے بارہویں جماعت تک ٹیچر بننے کے لیے اب ٹی ای ٹی امتحان پاس کرنا لازمی (1) تجلیات نوری (1) تفسیر و حدیث میں ہندُستان کا تذکرہ (1) تھرٹی فرسٹ :احتساب کادن (1) تھرٹی فرسٹ منانا اتنا ہی ضروری ہے تو اس طرح منائیں (1) ٹیم انڈیا نے انگلینڈ کے خلاف ٹی 20 سیریز کے لیے اعلان کردیا (1) جے جوان ،جے کسان (1) حافظ محمد قمرالدین رضوی صاحب پر کنزالایمان کا خصوصی شمارہ (1) حافظ محمد ہاشم قادری صدیقی مصباحی (1) حضرت ابراہیم علیہ السلام کی قربانیاں (1) حضرت علی المرتضیٰ کر م اللہ وجہہ کی خلافت اور اہم کارنامے (1) خدارامسلمان ہوش کے ناخن لیں! (1) خواجہ غریب نواز کے فیض کی جلوہ باریاں (1) خود کشی ایک سماجی مسئلہ ہے (1) دارالعلوم سلطانیہ چشتیہ اہل سنت دھولیہ میں عظیم الشان علی لائبریری کا افتتاح (1) دردانہ انجم مس (1) دعوت توحید (1) دنیا کی 500 با اثر شخصیات (2) دینی کتابوں کے قدیم ناشر حافظ محمد قمرالدین رضوی سپرد خاک (1) ڈاکٹرس کے ساتھ غیر اخلاقی حرکت (1) ڈپریشن اور مایوسی کی سب بڑی وجہ مادی نظریات کا فروغ (1) رام جنم بھومی بابری مسجد کا سچ (1) رب تعالیٰ کی رحمت (1) رشبھ پنت میچ میں اکشر پٹیل کو وسیم کے نام سے کیوں بلارہے تھے ؟ (1) زحل کے بارے میں 8 دلچسپ حقائق (1) زنا کاری بدفعلی،بے حیا انسان ،اندھا قانون یہ کیسا زمانہ آیا؟ (1) سدرشن ٹی وی کے پروگرام ” یو پی ایس سی جہاد“ پر سپریم کورٹ کی پابندی (1) سہ ماہی پیام برکات میگزین شمارہ جولائی تا ستمبر2020ء (1) سید فاروق میاں چشتی کے تاثرات (1) سیدناابراہیم خلیل اللہ علیہ السلام (1) سیدناامام جعفر صادق: خانوادہ نبوت کے عظیم چشم وچراغ (1) شعیرہ غزل کو کامیابی مبارک (1) شہزادۂ حضور احسن العلماء حضرت سید محمد افضل میاں قادری علیہ الرحمہ کی رحلت (2) طلبا کی کامیابی و ترقی میں اُستاذ کا کردار (1) عاشقان اہل بیت۲۲رجب المرجب کوقرآن خوانی ونیاز کا اہتمام کریں (1) عامری عظمت اقبال گوگل کی جانب سے مثالی استاد منتخب (1) عزیمت حج (1) علامہ قمرالزماں خان اعظمی کی جانب سے تعزیت نامہ (1) فاتح خیبر حضرت علی رضی اللہ عنہ کی سیرت و کردار پر ایک نظر (1) فاطمہ کا لال میدان کربلا میں (1) فتوی نویسی سے متعلق قانونی رہنمائی (1) فضائل رجب المرجب (1) فضائل ہند کی روایتیں (1) فضل ملت کا وصال ملک وملت کے لیے عظیم خسارہ : مولانا محمد شاکر علی نوری (1) فضیلة الشیخ حضرت ابوبکر احمد (1) کتاب ”این آر سی: اندیشے ،مسائل اور حل“ (1) کرونا کال میں اندیشہ وخوف سے بھرا سفر (1) کرونا وائرس کی وَبا اور قومِ مسلم (1) گلہائے اُردو (2) گیسوئے اُردو (2) لبیک اللَّھم لبیک (1) لمبے عرصے تک تعلیمی اداروں کا بند رہنا تباہ کن (1) لَوجہاد: سیاسی کرسی کی بحالی اور اسلام کو بدنام کرنے والا ہتھکنڈہ (1) ماہِ محرم میں کھلونوں کی دکانوں پر ” گن کلچر “ (1) ماہنامہ کنزالایمان دہلی ، شمارہ فروری 2021 (1) ماہنامہ کنزالایمان دہلی ، شمارہ مارچ 2021ء (1) مظلوم اِمام!!! (1) مظلوم! کی حمایت کرنا، ظالم کے آگے کھڑے ہونا، اسلامی تعلیم کا حصہ!!! (1) مولانامحمد شاکر نوری کا عورتوں کے آن لائن سالانہ سنی اجتماع سے خطاب (1) نیشنل ٹیلنٹ سرچ اسکالر شپ امتحان (1) ہڑپہ ، موہن جودڑو اور مالیگاﺅں (1) ہندوستان میں شرحِ خواندگی : چند حقائق (1) ہندوستانی جیلوں میں مسلمانوں کا بڑھتا تناسب (1) وَداعِ تاجُ الشریعہ (1) وقفی اور غصبی زمین کا شرعی حکم (1) ووٹ ڈالنا ایک اہم فریضہ (1) یو جی سی نیٹ امتحان کی تیاری کیسے کریں؟ (1) یوسف پٹھان نے کرکٹ کے تمام فارمیٹس سے سبکدوشی کا اعلان کیا (1) खानकाहे बरकातिया मारहरा (1) ख़ुदकुशी के पांच मुख्य कारण (1) न्यूज़ 18 टीवी चैनल (1) मालेगाव महानगरपालिकेत 1006 पदांची भर्ती (1)